Në mëngjesin e 22 qershorit Anija Mësimore e Marinës Ushtarake do të mbërrijë në Portin e Durrësit, ku do të qëndrojë deri më 26 qershor.
Porti i Durrësit do të jetë ndalesa e parë e fushatës mësimore jashtë Italisë për Anijen Palinuro si dhe ndalesa e parë për studentët e rinj të Shkollës Detare Ushtarake “F. Morosini” të imbarkuar në Taranto.
Fushata e 53-të mësimore e Anijes Palinuro do të vazhdojë në Detin Adriatik, ku anija mësimore do të ankorohet në portet e Italisë dhe Sllovenisë, Malit të Zi dhe Kroacisë. Gjatë lundrimit, studentët e rinj do të thellojnë njohuritë mbi shkencat e lundrimit dhe të marinës, duke zhvilluar frymën e skuadrës, aftësitë në administrimin e Personelit si dhe do të fitojnë ato vlera etike dhe tradita që karakterizojnë Marinën Ushtarake.
Pas nisjes nga Durrësi, goleta do të marrë drejtimin e Kotorit, në Malin e Zi, ku do të mbërrijë më 28 qershor.
Gjatë ndalesës në Durrës, anija Palinuro do të qëndrojë e hapur për publikun për vizita në bord, ditën e shtunë 24 dhe të dielë 25 qershor, në oraret 10:00 – 12:00 dhe 16:00 – 19:00.
