Konferenca Kombëtare
“Italia dhe Ballkani Perëndimor: rritje dhe integrim”
Objektiva, mjete dhe mundësi për “Sistema Italia”
Trieste – 24 janar 2023, ora 9:30
Ditën e martë, 24 janar 2023, prej orës 9.30 deri në orën 16.30 do të mbahet në Trieste, pranë Trieste Convention Center, Konferenca Kombëtare “Italia dhe Ballkani Perëndimor: rritje dhe integrim”.
Nisma synon të nxisë rolin e Italisë në Ballkanin Perëndimor, përparësi e politikës së jashtme e Qeverisë së re, dhe procesi i integrimit evropian të këtyre Vendeve.
Konferenca do të çelë punimet me fjalën e Zëvendës Kryeministrit dhe Ministrit të Punëve të Jashtme dhe Bashkëpunimit Ndërkombëtar, Antonio Tajani, pas prezantimit nga Zëvendës Ministrja e Ekonomisë dhe Financave, Sandra Savino.
Punimet e Konferencës do të përshëndeten edhe nga Kryetarja e Këshillit të Ministrave, Giorgia Meloni, nga Komisioneri evropian për Zgjerimin, Oliver Varhelyi, nga Kryetari i Qarkut të Pavarur Friuli Venezia Giulia, Massimiliano Fedriga, dhe nga Kryetar i Bashkisë së Triestes, Roberto Dipiazza.
Punimet do të zhvillohen sipas këtij programi:
- paneli I – Synimet e partneritetit Itali-Ballkani Perëndimor
- paneli II – mjete dhe mundësi për “Sistema Paese”
- paneli III – roli i sistemit prodhues italian
- paneli IV – mjetet ndërkombëtare në mbështetje të rritjes ekonomike
Gjatë punimeve të Konferencës, kryetarët e bashkive Rodolfo Ziberna e Samo Turel do të paraqisin projektin “Go! 2025 Nova Gorica dhe Gorizia kryeqytet evropian i kulturës 2025”, kurorëzim i një rezultati historik bashkëpunimi kulturor ndërkufitar midis dy qyteteve si edhe një mundësi e madhe për të gjithë territorin.
Punimet e Konferencës do të mbyllen nga Zëvendës Kryeministri dhe Ministri i Punëve të Jashtme dhe Bashkëpunimit Ndërkombëtar, Antonio Tajani.
Në përfundim të aktivitetit ministri Antonio Tajani do të mbajë një konferencë për shtyppranë Sallës së Shtypit të Trieste Convention Center (TCC).