Informojmë se janë hapur para-regjistrimet për në institucionet e arsimit të lartë. Para-regjistrimet mund të kryhen nëpërmjet portalit Universitaly.
Qarkorja e MUR – të cilën e gjeni në faqen Universitaly – përmban procedurat e hyrjes, qëndrimit, regjistrimit të studentëve të huaj në kurset universitare në Itali për vitin akademik 2025/2026 si edhe njohjes së titujve të studimit.
Associazione Uni-Italia, ent kolektiv jo-fitimprurës, mund të asistojë studentët e huaj edhe gjatë procedurës së para-regjistrimit në Universitaly. Për këtë mund t’i referoheni faqes web së Shoqatës apo adresës e-mail info@uni-italia.it.
Pasi kërkesa për para-regjistrim në portalin Universitaly të jetë pranuar nga Universiteti i përzgjedhur, studentët mund të vijojnë me kërkesën për vizë të llojit “D” STUDIME “regjistrim në universitet” duke kërkuar takim me Zyrën e Vizave – nëpërmjet portalit Prenot@mi – brenda dhe jo më vonë se data 30 nëntor 2025.
Bëjmë me dije se pranimi nga ana e universitetit nuk përbën një të drejtë për marrjen e vizës për studime.
